# ملفوف البصل

> أول مرة سويت هالوصفة جانت برمضان 2025، وكانت أسهل وأسرع دولمة سويتها بحياتي! يعني باختصار، طريقة سريعة حتى تستمتعون بالدولمة بدون كل التعب والوقت اللي تحتاجه عادةً!

- بقلم: زهراء مثنى
- تكفي: 2 أشخاص
- التحضير: 90 دقيقة · الطهي: 60 دقيقة · الإجمالي: 150 دقيقة
- الصعوبة: متوسطة
- الوسوم: lunch, middl, mediterranean
- نُشرت: 2026-10-11
- المصدر: https://cooking.zozii.space/ar/recipes/onion-dolma
- متوفرة أيضاً بـ: [الإنجليزية](https://cooking.zozii.space/recipes/onion-dolma.md)

## الحكاية

أول مرة سويت هالوصفة جانت برمضان 2025، وكانت أسهل وأسرع دولمة سويتها بحياتي! يعني باختصار، طريقة سريعة حتى تستمتعون بالدولمة بدون كل التعب والوقت اللي تحتاجه عادةً!

## المكوّنات اللازمة

### الحشوة

- 100 غ لحمة مثرومة, لحم عجل قليل الدهون
- 350 غ بصل شالوت , بصل طويل ورفيع
- 1 طماطم, مفرومة ناعم
- 2 ملعقة كبيرة معدنوس, مثروم
- 2 ملعقة كبيرة معجون طماطم
- 3 ملعقة كبيرة دبس الرمان
- 2 ملعقة كبيرة بصل مثروم, يفضل ان يوضع في خل التفاح لمدة نصف ساعة قبل التحضير
- 2 فص ثوم, مهروس
- 2 ملعقة كبيرة زيت زيتون
- 1 عصير ليمون, ليمونة كبيرة
- فلفل أسود، فلفل أحمر، بهارات مشكلة، كمون، لومي مجفف، وأعشاب مجففة, حسب الرغبة
- 2 ملعقة صغيرة ملح
- 1 كوب رز
- شرائح بطاطا, لتغطية البصل من الحرق في الفرن

### Cooking Sauce

- 1 ل ماء
- 2 ملعقة كبيرة معجون طماطم
- عصير حامض من اختياركم, حسب الرغبة
- ملح, حسب الرغبة

## طريقة التحضير

1. **نحضّر البصل** نغلي الماي بقدر على النار. ننظّف بصل الشالوت ونسوي فتحة صغيرة بنص كل بصلة حتى يسهل علينا نفصل طبقاتها بعدين. نخلي البصل بالماي الحار لمدة 15–20 دقيقة.
2. **نحضّر الحشوة** نفرم الطماطة والمعدنوس والبصل الأحمر فرم ناعم. نحطهم بوعاء، نضيف باقي مكونات الحشوة ونخلطهم زين.
3. **تحضير طبقات البصل** نطلع البصل من الماي ونفصل طبقاته وحدة وحدة وبحذر، حتى تصير جاهزة للحشو, بهالوقت، نشغّل الفرن ونخلّيه يسخن مسبقًا على حرارة 220 درجة مئوية (حرارة سفلية ومروحة)
4. **نحشي البصل** نحشي كل طبقة من طبقات البصل بالحشوة، ونصفّها وحدة يم الثانية بصينية فخارية مربعة قياس 30 × 30 سم. وإذا ما متوفرة عدكم، تكدرون تستخدمون أي نوع ثاني من الصواني.
5. **خطوة اختيارية: نضيف البطاطا** بعد ما نكمّل ترتيب البصل المحشي، نوزّع شرائح البطاطا المقطّعة رفيعة على الوجه حتى نساعد على منع طبقات البصل من الجفاف أثناء الطبخ
6. **نضيف الماي والتتبيلة** نخلط لتر واحد من الماي ويا معجون الطماطة والملح وعصير الحمضيات اللي تفضّلوه، وبعدين نصب الخليط على البصل المحشي. نغطي الصينية بورق الزبدة و الالمنيوم ويوضع بالفرن لمدة ٤٥-٦٠ دقيقة.