# رز و يابسة او فاصوليا

> هالوجبة من أشهر وجبات الغدا بالمطبخ العراقي والتركي. وبما إني عراقية، كبرت وآني آكلها بشكل شبه يومي، ولهذا إلها مكانة خاصة بقلبي وتذكرني بأيام الطفولة. وهسه صارت هم من أكثر الوجبات اللي يحبها زوجي، خصوصاً من يرجع للبيت بعد يوم شغل طويل. 
> وبصراحة، سر هالوجبة مو بالطبق الرئيسي وانما بالزلاطة (السلطة)! راح أنزل وصفة السلطة بمنشور منفصل.

- بقلم: زهراء مثنى
- تكفي: 2 أشخاص
- التحضير: 20 دقيقة · الطهي: 120 دقيقة · الإجمالي: 140 دقيقة
- الصعوبة: سهلة
- الوسوم: vegan, lunch, mediterranean
- نُشرت: 2026-10-14
- المصدر: https://cooking.zozii.space/ar/recipes/rice-and-yapse-aka-beans
- متوفرة أيضاً بـ: [الإنجليزية](https://cooking.zozii.space/recipes/rice-and-yapse-aka-beans.md)

## الحكاية

هالوجبة من أشهر وجبات الغدا بالمطبخ العراقي والتركي. وبما إني عراقية، كبرت وآني آكلها بشكل شبه يومي، ولهذا إلها مكانة خاصة بقلبي وتذكرني بأيام الطفولة. وهسه صارت هم من أكثر الوجبات اللي يحبها زوجي، خصوصاً من يرجع للبيت بعد يوم شغل طويل. 
وبصراحة، سر هالوجبة مو بالطبق الرئيسي وانما بالزلاطة (السلطة)! راح أنزل وصفة السلطة بمنشور منفصل.

## المكوّنات اللازمة

### مركة الفاصوليا

- فاصوليا يابسة, ١ كوب منقوعة بالماء لمدة ٨ ساعات او ليلة كاملة
- بصل, بصلة متوسطة الحجم مفرومة ناعم
- عصير ليمون, حسب الرغبة
- ملح, حسب الرغبة

### الرز

- رز بسمتي حبة طويلة, كوب واحد
- 2 ملعقة صغيرة ملح
- زيت زيتون, حسب الرغبة

## طريقة التحضير

1. **Making the stew** سخّني قدر الستانلس ستيل لحد ما يوصل لمرحلة تأثير لايدنفروست (Leidenfrost Effect). حتى تتأكدين، نثّري كم قطرة ماي بالقدر؛ إذا تحوّلت القطرات لحبيبات صغيرة وتجمّعت وصارت تنزلق على سطح القدر بدل ما تتبخّر مباشرة، فهذا يعني إن القدر وصل لدرجة الحرارة المطلوبة.
   اطبخي البصل لحد ما يصير لونه ذهبي، بعدها ضيفي الفاصوليا وقلّبيها كم ثانية. صبّي ماء بكمية تغطي الفاصوليا ويزيد عليها تقريباً 2 سم. خلي الماء يوصل لمرحلة الغليان، بعدها خففي النار وخليها تطبخ على نار هادئة والقدر مغطّى، لحد ما تستوي الفاصوليا تماماً وتصير طرية.
   بعدها ضيفي عصير الليمونة والملح حسب الرغبة
2. **خضري الرز الابيض** خلّي قدر الماء يوصل لمرحلة الغليان. اغسلي الرز زين بالماء البارد، بعدها ضيفيه للماء المغلي ويا الملح. خلي الرز يغلي لحد ما يستوي تماماً ويصير طري، بعدها صفّيه بالمصفاة. بنفس القدر، ضيفي شوية زيت زيتون ورجّعي الرز المصفّى للقدر. غطّي القدر وخلي الرز على نار هادئة لمدة 10 دقايق تقريباً حتى يتبخّر ويكمل استواءه.
3. **التقديم** قدميها مع لبن، زيتون وسلطة.