أول مرة سويت هالوصفة جانت برمضان 2025، وكانت أسهل وأسرع دولمة سويتها بحياتي! يعني باختصار، طريقة سريعة حتى تستمتعون بالدولمة بدون كل التعب والوقت اللي تحتاجه عادةً!
طريقة التحضير
أُنجزت 0 من 6 خطوات
نحضّر البصل
نغلي الماي بقدر على النار. ننظّف بصل الشالوت ونسوي فتحة صغيرة بنص كل بصلة حتى يسهل علينا نفصل طبقاتها بعدين. نخلي البصل بالماي الحار لمدة 15–20 دقيقة.
نحضّر الحشوة
نفرم الطماطة والمعدنوس والبصل الأحمر فرم ناعم. نحطهم بوعاء، نضيف باقي مكونات الحشوة ونخلطهم زين.
تحضير طبقات البصل
نطلع البصل من الماي ونفصل طبقاته وحدة وحدة وبحذر، حتى تصير جاهزة للحشو, بهالوقت، نشغّل الفرن ونخلّيه يسخن مسبقًا على حرارة 220 درجة مئوية (حرارة سفلية ومروحة)
نحشي البصل
نحشي كل طبقة من طبقات البصل بالحشوة، ونصفّها وحدة يم الثانية بصينية فخارية مربعة قياس 30 × 30 سم. وإذا ما متوفرة عدكم، تكدرون تستخدمون أي نوع ثاني من الصواني.
خطوة اختيارية: نضيف البطاطا
بعد ما نكمّل ترتيب البصل المحشي، نوزّع شرائح البطاطا المقطّعة رفيعة على الوجه حتى نساعد على منع طبقات البصل من الجفاف أثناء الطبخ
نضيف الماي والتتبيلة
نخلط لتر واحد من الماي ويا معجون الطماطة والملح وعصير الحمضيات اللي تفضّلوه، وبعدين نصب الخليط على البصل المحشي. نغطي الصينية بورق الزبدة و الالمنيوم ويوضع بالفرن لمدة ٤٥-٦٠ دقيقة.
